Ытыктабыллаах ааҕааччыларбыт, төрөппүттэр!
Оҕо сайыҥҥы ааҕыыта – саҥа билиини ыларга аналлаах кэм.
Самаан сайын үүнэн, оҕолорбут сынньалаҥ кэмнэрэ кэллэ. Ол эрээри, сайын — билии-көрүү эйгэтин кэҥэтэргэ уонна саҥа дьоҕурдары сайыннарарга бэртээхэй түгэн. Библиотекабыт эһиги оҕолоргутугар ааҕыы эйгэтин арыйарга көмөлөһөр.
Оҕоҕут сайын ааҕарын хайдах көҕүлүөххэ сөбүй?
1) Кинилэргэ бэйэҕит холобур буолуҥ: Оҕо төрөппүтүн ааҕарын көрөн үтүктэр. Бэйэҕит да ааҕыҥ, киниэхэ ааҕан иһитиннэриҥ. Бииргэ ааҕыы — оҕону кытта сыһыаны бөҕөргөтөр, бииргэ кэпсэтэр анал түгэн буолар.
2) Оҕо бэйэтэ сөбүлүүр кинигэтин таллын. Бу фантастика, билим туьунан кинигэ, кэпсээннэр, эбэтэр ойуулуктар туһунан кинигэлэр буолуохтарын сөп. Сөбүлүүр кинигэтэ – ааҕыыга куорсун буолар.
3) Ааҕыыны оонньуу оҥоруҥ:
- «Ааҕыы күннүгэ» тэрийиҥ. Оҕо аахпыт кинигэтин аатын, ааптарын уонна кинигэ туһунан санаатын суруйдун. Ол кэннэ кыра бэлиэ (наҕараада) биэриҥ.
- «Түмүгүн кэпсээ» диэн оонньуу оҥоруҥ. Оҕо аахпыт кинигэтин сюжетын, сүрүн дьоруойун туһунан кэпсээтин.
- Бииргэ айыҥ: Кинигэҕэ баар дьоруойу уруһуйдааһыҥҥа, эбэтэр кинигэ туһунан дьиэ кэргэҥҥит иһигэр кыра көрдөрүк оҥорорго кыттыһын.
4) Сүбэ-ама кэпсэтиҥ: Аахпыт кинигэҕитин туһунан оҕоҕуттан ыйытыҥ: «Туохха үөрэтэрий?», «ханнык дьоруойу ордук сөбүлээтиҥ?», «Эн кини курдук гыныаҥ этэ дуо?» диэн ыйытыылар оҕо өйүн-санаатын сайыннараллар.
5) Библиотекаҕа сылдьыҥ: Биһиги библиотекабыт эһигини уонна оҕолоргутун күүтэр. Манна араас саастаах оҕолорго анаммыт саҥа кинигэлэр, интэриэһинэй тэрээһиннэр бааллар. Кинигэни ааҕыы – киһи олоҕун тухары оҥорор саамай үчүгэй бэлэҕэ!
Сайыҥҥы ааҕыы эһиэхэ элбэх билиини уонна дуоһуйууну бэлэхтээтин!
Сайыҥҥы ааҕыыга айымньылар — https://disk.yandex.ru/i/W_YVIolbhyOyjA
Бу ссылканан киирэн НБ РС (Я) бэлэмнээбит кинигэлэрин ааҕыаххытын сөп — https://nlrs.ru/collections/1348
