Ил Дархан Айсен Николаев көҕүлээһининэн, «Алроса» хампаанньа салалтата 2020 сылтан «Саха судаарыстыбынаһын 100 сылыгар — 100 алмааска чулуу дьон аатын иҥэрии» бырайыага саҕаламмыта. Ол чэрчитинэн быйыл олунньу 8 күнүгэр, биһиги биир дойдулаахпытыгар, саха дьахталларыттан маҥнайгы Социалистическай Үлэ Геройа, 1958 — 1962 сс. ССРС Үрдүкү Сэбиэтин дьопутаата Елизавета Ивановна Бурцева аата, 69.32 карааттаах алмааска иҥэриллиннэ.
Герой аата, алмаастыы чаҕылыйа турдун!
